PORTFOLIO NIGHT ikasle eta gazte diseinugileentzako jarduera da (industriala/produktua, grafikoa/digitala, eremuak, zerbitzuak/estrategikoa…), eta haien portfolioak balioestea, haien zalantzak argitzea, orientazioa ematea eta laneratzen laguntzea du helburu. Dinamika ezin errazagoa da. Parte-hartzaile bakoitzak elkarteko zenbait diziplinatako profesionalekin hitz egiteko aukera izango du, eta 10-15 minutu egon ahal izango da haiekin. Aurton, aurrez aurreko formatu tradizionalera itzuliko da jarduera, eta 'Bilbao AS Fabriken' egingo da (Zorrotzaurre), EIDE GAZTEAKeko taldearekin antolatzen ari garen «Talentu Gazteak» ekitaldiaren ostean. Azaroak 23, asteartea, 19:00 - 20:00.

Informazio gehiago eta izen-ematea, laster.