Musikaren eta arkitekturaren arteko gurutzaketak
Historiari begira, arkitektoak eta musikariak harremanetan egon dira, euren prozesu sortzaileak atzeraelikatzeko eta euren arteei konposizio-elementu berriak eskaintzeko. Topaketa honetan, abangoardiako arkitekturaren eta hiri-eszena garaikidearen sorreraren arteko harremanari buruz hausnartuko dugu honako hauexen eskutik: Arquitectos de Cabecerako Nuria Moliner zein Ibon Bilbao eta Bartlebooth argitaletxeko Antonio Giráldez zein Pablo Ibáñez. Amaitzeko, Ama Sayren kontzertua eskainiko da.
URBANBATfesten edizio hau agurtzeko eta hamar urteok handitasunez ospatzeko jarduera.
Arkitektoa eta musikaria. Arkitektoa, ikertzailea, komunikatzailea. Aurkezlea eta edukien aholkularia TVEko La 2eko Escala Humana saioan. Actar Publishers, urbanNext.net eta BcnMés argitalpenetako editorea eta UICko Eraikuntza Industrializatu eta Jasangarrirako Berrikuntza Teknologikoko Laborategiko ikertzailea. Ekitaldietako hizlaria eta aurkezlea; esate baterako, MIES Awards, FAD Sariak, BBConstrumat edo Genio-Berrikuntza Sariak, baita Madrilgo Unibertsitate Europarrean ere.
Aq4 Arquitecturako eta Llindar Arquitecturako arkitektoa. Arquitectos de Cabecera proiektuko zuzendarikidea 2013tik. ETSAB-UPCko Arkitekturako Proiektuetako Saileko irakasle elkartua 1998tik. UPC Masterreko irakaslea 2003-2012an, PFGko Epaimahaia, ETSAB UPCko Zuzendaritzako ondokoa 2014-2016an eta Royal College of Art Londoneko PhD Supervisorra 2019tik.
Argitaletxea. Argitaratzeko eta ikertzeko plataforma da, eta espazioaren praktika garaikidea aztertzen du. Antonio Giráldezek eta Pablo Ibáñezek garatzen dute gaur egun. Zenbait gune eta testuingurutan jarri dute erakusgai, eta aitortza lortu dute: BIAU Arkitekturako eta Hirigintzako Bienal Iberoamerikarreko Argitalpenen Saria (2019), Espainiako Arkitekturako eta Hirigintzako XIV. Bienaleko Ikerketa Erakusketa (2018), Arquia/Innova Saria (2018) eta Veneziako 16. Bienaleko Pabilioi Espainiarra (2018), besteak beste.
Rock-taldea. 1991n sortu zen Bizkaiko Urtuellan, Pixies, Sonic Youth edo Charlattans taldeak dituzte erreferente eta ingeleseko nahiz euskarako letrak nahasten dituzte. Bi disko eta single bat argitaratu zituzten 1991tik 1997an desagertu arte. 2008an, eszenatokietara itzuli ziren. Gaur egun, honako hauexek osatzen dute taldea: Ibon Bilbao, Gontzal Bilbao, Mikel Gonzalez eta Joakin G. Picaza.
Kokapena
Antolatzailea
Kolaboratzaileak
